لو عرف السبب بطل العجب

السلام عليكم ورحمه الله وبركاته
عندى استفسار بسيط جدا
ممكن اعرف امتى يحذف الرد وليه
طبعا يحذف لو فيه شئ خارج او اسلوب غير مهذب
وعلى ما اظن انى من يوم ما اشتركت معاكم
لم يصدر منى اى شئ خطاء
كل ما احتاجه توضيح بس عن حذف ردى
واوعدكم انى مش حكون معاكم تانى
بس على الاقل من حقى اعرف
والرد اللى اتمسح كان فى موضوع قهوه شمساوى
وشكرا لكم جميعا
ارجوا التوضيح للعلم فقط ليس الا

الاخت دموع الندا

كلنا فى منتدى شمساوى نكن لكى كل الحب والاحترام

وفى ايام قليلة بدانا نعرف من هى دموع الندا

وموضوع قهوة شمساوى بدأ ينال اعجاب الجميع حتى فى طريقة التقديم للطلبات

اما عن حذف رد ليكى داخل الموضوع فا انا سالت والكل قال ان مفيش رد اتحذف

انا اسف لو فعلا فى رد واتحذف لك اكيد كان بطريقة غير مقصودة

وياريت تنزليه من تانى احنا كلنا هنا بنحب مواضيعك اوى

وبنعتبرك مننا واخت غالية لينا وتعاملى مع المنتدى على انه منتداكى وانه ملكك

وانك مش مجرد عضوة فيه لانك من اكتر الشخصيات احتراما لدينا

واسف للأطالة وياريت تتقلبى الاعتذار وانه كان بطريقة غير مقصودة اكيد

اولا السلام عليكم
ازيك يا دموع الندا يا عسوله
ازيك يا انور
بداية احب اوجه كلامى لدموع انى بجد من الناس اللى اعجبت باسلوبها الشعرى
وكمان القهوة اللى دخلت معانا على المنتدى وبجد فكرتها هايله
وموضوع الحذف ده صدقينى اكيد حصل غلط
منك او من اى حد
وعلى كل حال
زى ما قالك انور وانا معاه فى الرد
نتمنى ميكونش فى سوء فهم لينا منك
ولا منك لينا
تقدرى تنزلى المشاركه من تانى
واكيد عمرك ما هيخرج منك غير الكلام الجميل يكفى قوى
الشعر الجميل اللى اتحديتى بيه كل الناس
انا بجد من الناس اللى بشجع اسلوبك انتى وانور لانكم من الشباب اللى ربنا يكرمها
يارب